१९८६ मध्ये श्री. संतोष गुजराथी ह्यांनी एक नाटक कंपनी म्हणून विप्लवाची मुहूर्तमेढ रोवली. विप्लवाची निर्मिती असलेल्या नाटकांना अनेक राज्यस्तरीय पुरस्कार लाभले.

जेव्हा २०१६ मध्ये आपल्या निर्मितीमध्ये वैविध्य आणायचा विचार सुरु झाला तेव्हा विप्लवा चे “विप्लवा ऐंटरटेनमेंटस् एलएलपी ” असे नामकरण झाले. नाटके, दूरदर्शन मालिका, चित्रपट ह्याद्वारे प्रेक्षकांना काहीतरी आशयघन द्यावे जेणेकरून मनोरंजनाबरोबरच त्यांना अर्थपूर्ण कलाकृतीचा रसास्वाद घेता येईल ही ह्यामागची प्रेरणा होती. आणि म्हणूनच  प्रेक्षकांना दर्जेदार मनोरंजन मिळावे ह्या हेतूने  सशक्त टीम बांधणीच्या हालचालींनी वेग घेतला.